އަލްމަރްޙޫމް އަޙުމަދު ޒަކަރިއްޔާ، މަތިމަރަދޫ.އަޒުމް، ލ.ގަން

އަޙުމަދު ޒަކަރިއްޔާ، (މަތިމަރަދޫ.އަޒުމް، ލ.ގަން) މިފަނާވަނިވި ދުނިޔެ ދޫކޮށް ދެމިއޮތުމުގެ ގޮވައްޗަށް ދަތުރުކުރިކަމުގެ ހަނދާން.

إِنَّا لِلّهِ وَإِنَّـا إِلَيْهِ رَاجِعونَ

އަޙުމަދު ޒަކަރިއްޔާ (މަތިމަރަދޫ.އަޒުމް، ލ.ގަން) އަކީ އާއިލީގޮތުން ގުޅިފައިވުމުގެ އިތުރަށް އަޅުގަނޑުމެން ކުޑައިރު މައިފުށުގެ ބޮޑުދައިތައަކާއި އޭނާ ކުރެއްވި ކައިވެނީގެ ސަބަބުން ވަރަށް ބޮޑު ގާތްކަމެއް އުފެދިފައިވާ ބޭބެއެކެވެ. އަޅުގަނޑަށް ފާހަގަކުރެވެނީ އޭނާއަކީ އޭނާގެ އެއްބަނޑު އެހެން މީހުންނެކޭވެސް އެއްގޮތަށް ކުޑަކުދިންނަށް ވަރަށް ސަމާސާކުރާ، ހިތްހެޔޮ މީހެއްގެގޮތުގައެވެ. އަބަދުވެސް ބަރާބަރަށް ނަމާދުކޮށް ދީނީކަންކަމަށް ފަރުވާބަހައްޓައެވެ. އަޅުގަނޑުމެން ހަނދާން ހުންނަންފެށީއްސުރެވެސް އަޑުއަހަނީ އޭނާއަކީ ރާއްޖޭންބޭރުގައި ދަތުރުކުރާ އާގުބޯޓެއްގެ ސަރަނގެއްކަމެވެ. ސަރަނގު އަޙުމަދު ކިޔަނީ އެހެންވެގެންނެވެ. 

އޭނާގެ ބައްޕައަކީ ކެރެދި ކަމަނާގެ ކުޑަސޮރު (އަބޫބަކުރު)ގެ ޒަކަރިއްޔާ (ބޮޑަ ޒަކަރިޔާ) އެވެ. މަންމައަކީ ގޯނިކުޑަތަކުރު (އަބޫބަކުރު)ގެ ކުޑަމީހާއެވެ. ކުޑަމީހާގެ ފޮތުނަމަކީ މަރިޔަމް އެވެ. 

އަޙުމަދު ޒަކަރިއްޔާ އުފަންވީ 1944މ. ގައެވެ. 15 އޭޕްރީލް 2018މ. ގައި ނިޔައުވީ އިރު އުމުރަކީ 74 އަހަރެވެ. 

މާތްﷲ މިމަރުޙޫމްގެ ފުރާނައަށް ފުއްސެވުމާއި ރުއްސެވުން ދެއްވައި ސުވަރުގޭގެ މަތިވެރި ނިޢުމަތް މިންވަރުކުރައްވާށިއެވެ. އަދި އާއިލާއަށް ކެތްތެރިކަން ދެއްވާށިއެވެ. އާމީން.
 15 އޭޕްރީލް 2018މ. އާދީއްތަ